Trondit vajza e Michael Jackson: Babanë tim e kanë vrarë! Mua më përdhunuan
Paris Jackson është shprehur se babanë e saj e futën në kurth dhe e vranë.
“Ai shpeshherë jepte detaje që të linin të kuptoje se dikush i ishte vënë pas. Një herë madje tha: ‘Ata do të më vrasin një ditë”,- u shpreh Jackson, e cila ishte vetëm 11-vjeç kur i ati vdiq si pasojë e një përzierjeje medikamentesh të dhëna me recetë nga doktori i tij.
Vajza e legjendës së muzikës fajëson doktorin për vdekjen e këngëtarit.
Ajo rrëfeu se disa herë ka tentuar të vetëvritet pasi në moshën 14-vjeçare e kanë përdhunuar. Paris tregoi se përdhunuesi i saj ishte shumë më i madh në moshë se ajo dhe i panjohur. Kjo ngjarje e zhyti atë në depresion dhe e çoi drejt drogës dhe tentativave të shumta të vetëvrasjes.
