Vinicius Junior pranon se është lënduar nga fishkëllimat, por konfirmon dëshirën për të qëndruar te Real Madridi
Ylli i Real Madridit, Vinicius Junior, ka pranuar se është ndier i lënduar nga fishkëllimat e tifozëve në “Santiago Bernabeu” gjatë ndeshjeve të fundit, duke theksuar se kjo ka ndikuar emocionalisht tek ai.
Megjithatë, ai respekton të drejtën e tifozëve për të kritikuar dhe shprehet i vendosur të përmirësohet dhe të luftojë për klubin.
Braziliani pranon se viti i fundit ka qenë i vështirë dhe se nuk ka qenë gjithmonë në nivelin e tij më të mirë, por thekson se ka dhënë gjithmonë maksimumin për ekipin.
Sa i përket së ardhmes, Vinicius konfirmon dëshirën për të qëndruar në Real Madrid dhe shprehet i qetë për rinovimin e kontratës, duke nënvizuar marrëdhënien e mirë me presidentin Florentino Perez dhe pritjen që bisedimet të rifillojnë së shpejti.
