Ymeri: Albin Kurti prej se ka ardh në pushtet e ka ndal secilën mundësi të zhvillimit të Kosovës

Analisti Visar Ymeri ka komentuar protestën e përfaqësuesve të bizneseve të cilët të enjten kanë bllokuar hyrjet në Prishtinë, si shenjë kundërshtimi ndaj liberalizimit të tregut të energjisë elektrike në Kosovë.

Ymeri në “VV Show” kritikoi ashpër qëndrimet dhe politikat e kryeministrit në detyrë, Albin Kurti ndaj sektorit privat, duke e akuzuar se ka dëmtuar qëllimisht zhvillimin ekonomik të vendit.

“Duhet me kuptu ose duhet me e diskutu pse Albin Kurti sillet kështu ndaj bizneseve, pse përshembull Albin Kurti prej se ka ardh në pushtet e ka ndal secilën mundësi të zhvillimit të Kosovës”, deklaroi Ymeri.

Ai theksoi se Kurti ka bërë thirrje për bojkotim të produkteve vendore, me arsyetimin e luftimit të oligarkëve, ndërsa në të njëjtën kohë ka rritur çmimin e energjisë dhe ka hapur një treg të ashtuquajtur “të liberalizuar”, por që sipas Ymerit funksionon si monopol.