Zidane te Bayern? Flet lojtari i Bavarezëve
Sot u raportua se Zinedine Zidane mund ta drejtojë Bayern Munchen.
Por mesfushori Thiago Alcantara ka hedhur poshtë mundësinë që ish-trajneri i Real Madrid të vijë në Allianz Arena.
Presioni po rritet në trajnerin aktual Niko Kovac pasi Bayerni nuk arriti të fitojë asnjë nga katër ndeshjet e fundit në të gjitha garat.
Kampionët e Gjermanisë janë në vendin e gjashtë në tabelën e Bundesligës pas shtatë ndeshjeve, katër pikë prapa liderët Borussia Dortmundit dhe u mposhtën 3-0 në shtëpi nga Borussia Monchengladbach të shtunën e kaluar.
”Janë vetëm thashetheme. Thashethemet janë thashethemet”.
”Për fat të mirë, ka shumë lojtarë veteran në Bayern dhe ne e dimë se si të merremi me gjendjen që po kalon klubi”, tha ai.
”Ne përpiqemi të punojmë për të ndryshuar këtë situatë dhe për të ecur përpara”.
“Ne duhet të punojmë me atë që kemi tani. Spekulimet për të ardhmen nuk sjellin asgjë”, përfundoi Thiago./Periskopi/
