“Zjerm” kënga më e mirë e Eurovision-it, sipas CNN
Multimediali amerikan CNN ka publikuar të premten e 16 majit një artikull me këngët e Eurovision-it duke i renditur nga më e keqja deri te më e mira.
Podiumin e kryeson pikërisht Shqipëria me përfaqësimin e mrekullueshëm të Shkodra Elektronike me këngën hit tanimë “Zjerm”.
“Një zotëri i fortë tullac dhe një këngëtare që duket se është përfshirë në një ose dy kulte nga çifti më i papritur i Eurovision-it”, shkruhet fillimisht në përshkrimin e CNN-it.
Ata këndojnë për një oaz – “Nuk ka ambulancë në rrugë, askush nuk të flet me arrogancë” – qartësisht të pavetëdijshëm për festat britanike të beqarisë që shkatërrojnë Tiranën, kryeqytetin e Shqipërisë, vijon artikulli.
Dhe ata supozohet të jenë fansa të mëdhenj të Eurovision-it, apo jo?
“Jo, aspak”, thotë Beatriçe Gjergji për CNN. “(Nuk) është lloji ynë i muzikës”.
Sipas multimedialit amerikan, ambivalenca e tyre është një aset: nuk ka asgjë të ngjashme me këtë performancë dhe si rezultat ata po marrin vëmendje të merituar nga fansat.
“Nëse beson në llojin e muzikës që do, ndoshta diçka mund të ndodhë”, thotë Gjergji.
Lista vijon më keto këngë:
2. Austri: JJ, “Wasted Love”
3. Finlandë: Erika Vikman, “Ich Komme”
4. Zvicër: Zoë Më, “Voyage”
5. Francë: Louane, “Maman”
6. Itali: Lucio Corsi, “Volevo Essere Un Duro”
7. Luksemburg: Laura Thorn, “La Poupée Monte Le Son”
8. Suedi: KAJ, “Bara Bada Bastu”
9. Danimarka: Sissal, “Halucination”
10. Maltë: Miriana Conte, “Serving”
