Zonja e Hekurt e tronditur nga sulmi ndaj Borussia Dortmund
Kancelarja gjermane Angela Merkel është tronditur nga sulmi në afërsi të një autobusi që po transportonte lojtarët e ekipit Borussia Dortmund të martën.
Kështu ka thënë zëdhënësi i saj Steffen Seibert, transmeton Klan Kosova.
”Kancelarja është tronditur nga lajmi për sulmin në autobusin e ekipit, sikur ishin të tronditur edhe miliona njerëz çdokund” është shprehur ai.
Seibert shtoi se hetuesit gjermanë janë duke bërë të pamundurën për të kapur autorët apo dorasit e këtij shpërthimi i cili kishte shënjestër lojtarët e ekipit gjerman, transmeton Klan Kosova.
Sipas policisë gjermane, tre eksplozivë u përdorën për shpërthimin e mbrëmshëm, ku si pasojë i plagosur ka mbetur mbrojtësi i Borussia Dortmund, Marc Bartra.
