Zyrtare: Leo Messi rikthehet te Argjentina

Pas një mungese të gjatë, Leo Messi edhe zyrtarisht do të rikthehet të luajë te kombëtarja e Argjentinës. 

Ylli i Barcelonës nuk veshi fanellën e ‘Albiçelestëve’ që nga eliminimi në Kampionatin Botëror, kur pësuan humbje 4-3 nga Franca.

Për dy ndeshjet miqësore të marsit, Messi ka vendosur të rikthehet tek kombëtarja, me qëllimin e vetëm triumfin në Kupën e Amerikës që mbahet sivjet, transmeton Periskopi.

Argjentinas do të ndeshet fillimisht me 22 mars me Venezuelën, ndërsa pas katër ditëve do ta ketë përballë Marokon.

31-vjeçari ishte tejet i zhgënjyer me eliminimin nga Botërori, dhe vendosi të pushonte disa ndeshje, edhe pse flitej për një pensionim të perhershëm. /Periskopi/