Modriq bëhet bashkëpronar i fabrikës së birrës së famshme
Kapiteni i Kombëtares kroate të futbollit dhe ylli i Real Madridit, Luka Modriq, do të bëhet bashkëpronar i fabrikës së famshme të birrës Bjellovar Zeppelin.
Lajmin e ka konfirmuar në Facebook-un e tij kryetari i Bashkisë së Bjelovarit, Dario Hrebak.
“Unë e di këtë për disa muaj. Tani është zyrtare. Unë e përgëzoj ekipin për birrën e madhe “Zeppelin Craft Brewery”, e preferuara ime personale dhe një nga më cilësoret në Kroaci. Fat i mirë për pronarët e rinj dhe zona jonë Veliko Korenovo do të jetë gati për zgjerime të mundshme të fabrikës së birrës dhe investime të reja”, shkroi Hrebak, shkruan Indeksonline, transmeton Periskopi.
Birraria “Zeppelin Craft” është e njohur për prodhimin e birrave të pasterizuara dhe të pafiltruara të cilësisë së lartë, të cilat marrin vlerësimet më të mira të cilësisë dhe janë të kërkuara në të gjithë Kroacinë./Periskopi/
