Ukraina këndon për shpresë në mes të luftës
Ukraina vazhdon të tregojë qëndrueshmëri të jashtëzakonshme në Eurovision, duke mos zbritur asnjëherë më poshtë se vendi i gjashtë gjatë kësaj dekade. Këtë vit, vendi përfaqësohet nga grupi Ziferblat me këngën “Bird Of Pray”, një himn shprese përballë luftës së vazhdueshme me Rusinë.
Anëtarët e grupit – vëllezërit binjakë Daniil dhe Valentyn Leshchynskyi dhe bateristi Fedir Khodakov – e kanë financuar vetë udhëtimin në Zvicër. Këngëtarja e dytë Khrystyna Starykova, vetëm 19 vjeçe, përjetoi një tragjedi gjatë përgatitjeve, pasi mësoi se shtëpia e saj në Myrnograd ishte shkatërruar nga bombardimet ruse. “Ajo është shumë e fortë. Nuk do të dorëzohet”, tha Valentyn.
Performanca e tyre në skenë përcjell vizionin e një të ardhmeje pa luftë, ku Ukraina rilind si feniksi nga hiri. Me skenografi të zgjuar, anëtarët e grupit “hedhin” dritën mes tyre, duke përhapur mesazhin e shpresës, ndërsa finalja përmbyllet me dritat që lëkunden si krahët e një zogu./Periskopi/
