FSK’ja tek Liqeni i Ujmanit, flasin nga Policia
Forca e Sigurisë së Kosovës i është bashkuar kërkimeve për gjetjen e 33 vjeçarit i cili dyshohet se kërceu tek Liqeni i Ujmanit, raporton Periskopi.
Lajmin e kanë konfirmuar për Periskopin edhe nga Policia e Kosovës.
Operacioni i kërkimit për mërgimtarin që ra të dielën në Liqenin e Ujmanit po vazhdon ende. Ende nuk ka ndonjë gjurmë të tij. Të dielën pasdite, ai u hodh në liqenin e Ujmanit, dhe nuk u pa më në sipërfaqe.
Policia dhe ekipet e kërkim-shpëtimit janë angazhuar për ta gjetur 33 vjeçarin, por deri më tani nuk ka asnjë gjurmë nga ai./Periskopi/
