Shaqir Totaj mban tubimin e fushatës me 13 shtator në kërim të mandatit të dytë si kryetar i Prizrenit

Dega e Partisë Demokratike të Kosovës në Prizren është gati të nisë fushatën e saj zgjedhore me një ngjarje madhështore që do të mbahet këtë të shtunë, më 13 shtator, në orën 19:30, në terrenin sportiv pranë Bunkerit në Lagjen Ortakoll, një vend që do të mbushet me energji pozitive dhe entuziazëm qytetar.

Nën moton “Prizreni në punë”, PDK-ja përforcon angazhimin për zhvillimin e mëtejshëm të komunës, duke prezantuar programin e për mandatin e dytë qeverisës. Vizioni mbetet i njëjtë – përkushtim për të sjellë ndryshime konkrete, përmirësim të infrastrukturës, rritje të mundësive për punësim dhe përkrahje të bizneseve.

Gjithashtu, kjo ngjarje festive është një mundësi për qytetarët e Prizrenit që të takohen me përfaqësuesit e PDK-së, t’i dëgjojnë planet dhe idetë për të ardhmen dhe të kontribuojnë me sugjerimet e tyre në mënyrë që zhvillimi i qytetit të jetë sa më gjithëpërfshirës.

PDK fton të gjithë qytetarët, simpatizantët dhe mbështetësit që t’i bashkohen kësaj ngjarjeje të rëndësishme për ta treguar përkushtimin e përbashkët ndaj punës dhe progresit për Prizrenin.

“Bashkë, me energji dhe vullnet të përbashkët, mund të krijojmë një të ardhme më të mirë për komunitetin tonë”./Periskopi/