Ferit Idrizi bën homazhe tek varri i heroit, Afrim Bunjaku: Rënia e tij plagë e përbashkët për gjithë Kosovën!
Kryetari i komunës së Vushtrrisë, Ferit Idrizi, ka bërë homahze sot tek varri i heroit, Afrim Bunjaku, dhe ka vizituar familjen e tij.
Idrizi tha se 24 shtatori do të mbetet përgjithmonë në kujtesën tonë si ditë e dhimbjes dhe krenarisë, përcjell Periskopi.
Ai tha se ‘Afrimi ishte baba e qytetar i ndershëm i Vushtrrisë tonë, që u përball me guxim ndaj një sulmi të organizuar ushtarakisht e të financuar nga Serbia’.
“Sot u bënë dy vite nga rënia heroike e policit tonë, Afrim Bunjaku, i cili humbi jetën gjatë sulmit terrorist në Banjskë, duke mbrojtur rendin dhe sovranitetin e Republikës së Kosovës.Në këtë ditë përkujtimi, bëmë homazhe pranë varrit të tij dhe vizituam familjen Bunjaku, duke përcjellë mirënjohjen dhe respektin e qytetit tonë për sakrificën supreme që ai bëri.Afrimi ishte baba e qytetar i ndershëm i Vushtrrisë tonë, që u përball me guxim ndaj një sulmi të organizuar ushtarakisht e të financuar nga Serbia. Rënia e tij nuk është vetëm humbje për familjen, por plagë e përbashkët për gjithë Kosovën” shkruan Idrizi.
Postimi i plotë:
24 shtatori do të mbetet përgjithmonë në kujtesën tonë si ditë e dhimbjes dhe krenarisë.
Sot u bënë dy vite nga rënia heroike e policit tonë, Afrim Bunjaku, i cili humbi jetën gjatë sulmit terrorist në Banjskë, duke mbrojtur rendin dhe sovranitetin e Republikës së Kosovës.
Në këtë ditë përkujtimi, bëmë homazhe pranë varrit të tij dhe vizituam familjen Bunjaku, duke përcjellë mirënjohjen dhe respektin e qytetit tonë për sakrificën supreme që ai bëri.
Afrimi ishte baba e qytetar i ndershëm i Vushtrrisë tonë, që u përball me guxim ndaj një sulmi të organizuar ushtarakisht e të financuar nga Serbia. Rënia e tij nuk është vetëm humbje për familjen, por plagë e përbashkët për gjithë Kosovën.
Heroi ynë do të mbetet përjetësisht shembull i trimërisë dhe përkushtimit ndaj atdheut.
Lavdi e përjetshme Afrim Bunjakut!
