Vajza e Michael Jackson habit me deklaratë: Për shkak të drogave, kam një vrimë në hundë

Vajza e legjendës së pop-it Michael Jackson (†50) u është drejtuar fansave të saj me një zbulim tronditës: në hundën e saj ka një vrimë në kërci – një e ashtuquajtur perforim i septumit të hundës.

Shkaku? Ajo vetë e thotë hapur në një video në TikTok:

“Ajo që po mendoni ju, prej nga vjen… Larg duart nga drogat, fëmijë.”

Ka kaq kohë që Paris Jackson jeton me vrimën në hundë

Paris tregon se kishte qenë rreth 20 vjeç kur abuzimi me droga i shkaktoi këtë dëmtim. Sot – shtatë vjet më vonë – ajo jeton me këtë kujtim të përhershëm.

“Hapësira është aq e madhe, saqë mund të kaloj një fije spageti nga njëra anë në tjetrën,” – thotë ajo.

Cilën drogë ia dëmtoi hundën kaq rëndë, vajza e Jackson-it nuk e tregon, raporton BILD, përcjell Periskopi.
Megjithatë, kokaina dhe speed-i (amfetamina) shpesh merren përmes hundës dhe dëmtojnë mukozën si dhe ndarësen e hundës (septumin).

Që në janar, Paris kishte shpallur me krenari në Instagram se ishte pas pesë vjetësh e pastër dhe e kuruar nga drogat.

“Të them se jam mirënjohëse, do të ishte një eufemizëm i dobët. Mirënjohja nuk i afrohet fare thelbit. Sepse jam e kuruar, sot mund të buzëqesh.”

Edhe për vrimën në hundën e saj, Paris tani mund të qeshë. Në videon në TikTok, ajo bën shaka mbi të – madje tregon edhe cilat zëra të çuditshëm mund të bëjë me të. Humor në vend të turpit.

Për Paris, vrima nuk është më një mangësi, por një kujtim – një kujtim për një kohë në të cilën ajo kurrë nuk do të donte të kthehej.
Një operacion nuk vjen në konsideratë për Paris. Ajo thotë:

“Do të duhej të merrja qetësues të dhimbjeve. Dua t’i shpëtoj telasheve.”