Shpërthim në një gjykatë në Turqi (VIDEO)
Një shpërthim është regjistruar këtë të martë në bodrumin e gjykatës së qytetin juglindor turk të Sanliurfa-s. Shpërthimi raportohet se është pasuar edhe nga një zjarr.
Shpërthimi, shkaku i të cilit mbetet i panjohur, plagosi një punonjës. Ministri turk i Drejtësisë, Yilmaz Tunc konfirmoi se i plagosuri është sekretari i gjykatës.
Zjarrfikësit, policia dhe ekipet e specializuara nxituan në vendngjarje, ndërsa në zonë u morën masa sigurie. Guvernatori Hasan Sildak i tha se incidenti në gjykatë po hetohet plotësisht, transmeton euronews.al, përcjell Periskopi.
“Shpërthimi dhe zjarri në shkallë të vogël në Depozitën e Gjykatës janë vënë nën kontroll. Një person u plagos në incident”, tha Sildak.
