Franca zbulon Thundart, raketën me rreze të gjatë që synon të forcojë aftësitë e saj të sulmit
Prodhuesi evropian i raketave MBDA ka treguar për herë të parë një shembull të raketës së saj tokë-tokë Thundart, rezultat i një programi zhvillimi të shpejtë, ndërsa Franca synon të zgjerojë ndjeshëm gamën e aftësive të saj të sulmit me bazë në tokë.
Thundart pasqyron interes në rritje, veçanërisht në Evropë, për qitjet me precizion të lartë me rreze të gjatë veprimi.
Një foto e parë e raketës së artilerisë së telekomanduar Thundart 227 mm, në këtë rast, një predhë prove, u publikua dje në X nga MBDA.
Bëhet e ditur se Thundart është rezultat i programit të Goditjes Tokësore me Rreze të Gjatë (FLP-T), i nisur në vitin 2023 nga Agjencia Franceze e Prokurimit të Mbrojtjes (DGA).
Ajou prezantua për herë të parë në formë makete në panairin e mbrojtjes Eurosatory në qershor 2024, shkruan TWZ.
5h : réveil du colonel 🛎️
Champagne & sardines 🥂
Obus de 43 kg 💪
Pendant ce temps, #THUNDART se prépare : 150 km de portée, précision renforcée.
Bonne #SainteBarbe à tous les artilleurs !@SAFRAN pic.twitter.com/002D0QO1rO— MBDA France (@MBDAFrance) December 4, 2025
Sipas Defense News , plani i shpenzimeve të mbrojtjes i Francës nga viti 2024 deri në vitin 2030 ka parashikuar 600 milionë euro për programin FLP-T dhe synon të blejë të paktën 13 sisteme deri në vitin 2030 dhe 26 sisteme për të pajisur një batalion deri në vitin 2035.
Shefi i shtabit të Ushtrisë Franceze e ka konsideruar aftësinë e re të sulmit taktik me rreze të gjatë veprimi si “thelbësore” dhe se ka presion nga politikanët dhe ushtria për të blerë një opsion të zhvilluar në vend.
