Rrëzohet një aeroplan ushtarak në Sudan, asnjë i mbijetuar

Një aeroplan i forcave të armatosura sudaneze u rrëzua ndërsa përpiqej të ulej në një bazë ajrore në Sudanin lindor të martën. Nga përplasja humbën jetën të gjithë anëtarët e ekuipazhit por ende nuk ka një numër të saktë të konfirmuar të viktimave.

Avioni Ilyushin Il-76 pësoi një defekt teknik që shkaktoi tragjedinë. Gjithashtu, është e paqartë se çfarë po transportonte avioni pasi ishte avion transportues i ushtrisë.

Avioni transportues me katër motorë i projektuar nga Bashkimi Sovjetik, me një gjatësi prej gati 47 metrash, një hapje krahësh prej gati 51 metrash dhe një rreze fluturimi prej rreth 4,400 km, zakonisht ka një ekuipazh prej pesë personash.

Shembuj të këtij lloji janë përdorur për vite me radhë nga ushtria sudaneze për të transportuar pajisje dhe personel.

Që nga prilli i vitit 2023, në Sudan ka shpërthyer një luftë midis ushtrisë së rregullt dhe paraushtarakëve të Forcave të Mbështetjes së Shpejtë (RSF), në të cilën dhjetëra njerëz kanë humbur jetën, dymbëdhjetë milionë banorë janë zhvendosur dhe infrastruktura e vendit të gjerë të Afrikës Lindore ka pësuar shkatërrime të mëdha./Periskopi/