Zyrtarët policorë u sulmuan nga tre burra pasi ndërhyn në një rast të dhunës në familje – shpëtohet gruaja

Sot një grua në fshatin Poslishtë, Prizren kërkoi ndihmën e policisë pas një sulmi fizik nga bashkëshorti i saj.

Kur policia mbërriti në vendngjarje, ata u sulmuan fizikisht nga bashkëshorti, vëllai dhe babai i tij, që gjithashtu tentuan të sulmojnë viktimën përsëri.

Policia, që u sulmua me gurë, ndërhyri me forcë për të mbrojtur viktimën dhe vendosur situatën nën kontroll.

Tre të dyshuarit u arrestuan dhe dërguan në stacionin policor.

“Më datë 19.01.2026, rreth orës 02:12, në fshatin Poslishtë, Prizren një grua ka kërkuar ndihmën e policisë pasi ishte sulmuar fizikisht nga bashkëshorti i saj. Menjëherë pas mbërritjes në vendngjarje, patrullat policore janë përballur me një situatë të rëndë, ku bashkëshorti i viktimës, vëllai dhe babai i tij kanë sulmuar zyrtarët policorë dhe kanë tentuar të sulmojnë përsëri viktimën. Gjatë konfrontimit, policia është sulmuar fizikisht dhe me gurë, ndërsa viktima është kërcënuar dhe rrezikuar seriozisht. Për të parandaluar sulmin dhe për të mbrojtur jetën e viktimës, policët kanë ndërhyrë me forcë, duke arritur ta vendosin situatën nën kontroll”, njoftoi Policia.

Derisa, gjatë përleshjes, disa zyrtarë policorë pësuan lëndime të lehta dhe morën trajtim mjekësor.

Hetimet janë duke u zhvilluar, ndërsa prokurori ka lëshuar aktvendim për ndalim 48 orë për të dyshuarit. /Periskopi/