Vizita në Hagë, Haradinaj: Thaçi e Veseli besojnë se drejtësia do të triumfojë
Gjatë javës së kaluar, Nasim Haradinaj ka vizituar në Hagë ish-presidentin, Hashim Thaçi dhe ish-kryeparlamentarin, Kadri Veseli.
Ish-kryetari i OVL UÇK-së tha se kjo vizitë iu lejua pas dy vjet pritje, dhe që sipas tij, vizita iu lejua pasi gjyqit po i vjen fundi.
“Besoj që është vizita e fundit para se ata me dalë, sepse besoj që do të vijnë”, tha Haradinaj në “Kosova Today”.
Pos tjerash, ish i burgosuri i Hagës, tha se dy ish-krerët e UÇK-së i gjeti të relaksuar dhe me besim të plotë që drejtësia do të triumfojë, transmeton Klankosova.tv.
Por në qoftë se çlirimtarët do të dënohen nga Gjykata Speciale, Haradinaj tha se dënohet lufta çlirimtare e Kosovës, jo vetëm individët./Periskopi
