Zëvendësambasadori gjerman udhëton me tren nga Prishtina në Pejë
Zëvendësambasadori gjerman në Kosovë, Christian Böttcher, ka udhëtuar sot me tren nga Prishtina drejt Pejës, duke zgjedhur këtë linjë për përvojën e tij të radhës në vend.
Ambasada gjermane në Kosovë ka publikuar një fotografi ku zv/ambasadori shihet i ulur në tren duke lexuar, ndërsa ka shoqëruar postimin me një mesazh pozitiv.
“Mirëmëngjes nga treni i linjës Prishtinë – Pejë! Zëvendësambasadori ynë është gjithmonë i gatshëm të shijojë përvoja të reja në Kosovë!”, thuhet në njoftim.
Ky veprim është parë si një mënyrë për të promovuar transportin hekurudhor dhe për të përjetuar nga afër udhëtimin brenda vendit./Periskopi
