Foda: Duam të luajmë finalen e plejofit në shtëpi

Selektori i Kosovës Franco Foda ka folur në konferencë për media para ndeshjes me Sllovakinë që luhet të enjten, raporton Periskopi.

“Nuk kemi ndonjë shqetësim sa i përket ndeshjes me Sllovakinë. Jemi të vetëdijshëm se nuk do të jetë ndeshje e lehtë. E dimë që Sllovakia ka ekip shumë të mirë. Kur e ka topin di të luajë shumë mirë. Kemi shumë besim në ekip. Kemi treguar kualitetin tonë, kemi dëshmuar se edhe si mysafir mund të luajmë shumë mirë dhe të fitojmë ndeshje.
Në tri ditët e ardhshme do të përgatitemi shumë mirë. E duam finalen në shtëpi dhe do të bëjmë çdo gjë për të fituar në Bratislavë ndaj Sllovakisë”