Partitë politike nuk paguajnë gjobat për shkeljet gjatë fushatës
Partitë politike për shkelje gjatë procesit zgjedhor të 11 qershorit janë gjobitur me mbi 348 mijë euro, por asnjëra nuk e kanë paguar gjobën e tyre në Panelin Zgjedhor për Ankesa dhe Parashtresa.
Më së shumti shkelje kanë bërë koalicioni PAN që është ndëshkuar me 158 mijë euro.
Pas tyre renditet koalicioni LDK-AKR me 71 mijë euro gjobë, shkruan Klan Kosova.
Pa bërë shkelje nuk e ka lënë as Lëvizja Vetëvendosje që është ndëshkuar me 62 mijë euro, e pas tyre renditet Lista Serbe me mbi 35 mijë euro, njofton Klan Kosova.
Të gjitha partitë politike kanë pasur afat ligjor 15 ditë, nga dita e kumtimit të vendimit për t’i paguar gjobat.
