Presidenti i Romës flet për transferimin e Malcom: Ia fali Barcelonës vetëm nëse na shesin Messin
James Pallotta, presidenti i Romës ka thënë që Barcelona i ka kërkuar falje pasi këta të fundit ia ‘vodhën’ nga duart yllin brazilian Malcom
Malcom ishte njëri nga transferimet më dramatike të këtij afati kalimtar, transmeton Periskopi.
Bordeaux fillimisht e zyrtarizoi si lojtar të Romës, por në fund ia shiti Barcelonës.
“Dje Barcelona na kërkoi ndjesë për çështjen Malcom, por unë nuk e pranoj,” ka thënë Pallota.
“ Vetëm në rast se na shesin Messin, ndryshoj qëndrim. Malkom dëshironte të vinte në Romë, kishim mbyllur gjithçka, edhe klauzolën prej 120 milionë eurosh për prishjen e kontratës”.
“Nuk ishte firmosur asgjë? Budallallëk, klubet e dinë si funksionojnë gjërat dhe Barcelona bëri diçka aspak etike dhe morale”.
“Agjenti i Malcom? Ndoshta është idiot,”. /Periskopi/
