Vetaksidentohet vetura e policisë, lëndohen dy zyrtarë policorë
Dy zyrtarë policorë janë lënduar pasi një veturë e Policisë së Kosovës është vetaksidentuar në mëngjesin e sotëm, rreth orës 06:10.
Vetaksidenti ku ka qenë i përfshirë automjeti policor i tipit Skoda Octavia ka ndodhur në rrugën nacionale Pejë-Prishtinë, afërt Parkut të Biznesit në Drenas.
Këtë e ka konfirmuar Zyra për Informim e Policisë së Kosovës.
Sipas tyre, njësitet kompetente policore kanë dalë në vendin e ngjarjes dhe rastin e kanë trajtuar sipas procedurave të parapara në mënyrë që të bëhen të ditura shkaqet dhe rrethanat e tërësishme të këtij rasti.
Nga videot që kanë dërguar lexuesit e Klan Kosovës shihet se vetura e policisë ka devijuar dhe nga rruga ku ka përfunduar anash saj.
