“A del një budallë mes 10 milionë shqiptarësh në botë që e përbien këtë ofendim nga Qeveria Kurti”

Deputeti Besian Mustafa, ka thënë se vitin e kaluar cmimi i energjisë ishte ulur në 4,3 për qind, falë ligjit të rimëkëmbjes që e bëri qeveria Hoti.

Ai thotë se tash ministrat e Kurtit thonë se qeveria e kaluar gaboi që uli cmimin e rrymës.

“Kemi një ministre të kësaj qeverie që thote se qeveria e kaluar ka gabuar që e ka ulë cmimin e energjisë elektrike kurse kjo qeveri qenke heronj po bën mirë që e ka rritë cmimin e energjisë elektrike.

Nuk besoj që në 10 milionë shqiptarë nëpër botë ka një budallë që e përbien këtë gënjeshtër të kësaj qeverie”, ka thënë Mustafa./Periskopi