Agjenti i yllit të Chelseat: Po e presim Juven
Jorginho do të presë disa ditë për ta parë nëse është vërtet në mesin e objektivëve të Juventusit, ka thënë agjenti i mesfushorit të Chelseat.
Lojtari e ndoqi Sarrin nga Napoli te Chelsea dhe mund ta bëjë të njejtën gjë tani pasi tekniku italian ka nënshkruar me Juventusin, transmeton Periskopi.
“Sarri tashmë e ka treguar te Napoli dhe Chelsea se ai është top trajner,” tha agjenti i lojtarit, Joao Santos.
“Në një klub si Juve, i cili është kaq mirë i organizuar, ai mund të përmirësohet dhe të vazhdojë të fitojë.
“Chelsea ka kontratë katër-vjeçare me klientin tim. Do të presim disa ditë për ta kuptuar nëse ka ndonjë të vërtetë në interesimin e shprehur në gazeta.
“E kaluara e tij te Napoli nuk do të jetë problem, sepse Jorginho është profesionist.” /Periskopi.com/
