Aksident tek “Kurrizi” në Prishtinë, 3 persona bëhen për spital
Një aksident trafiku ka ndodhur pasditen e së dielës në rrugën “Isa Boletini”, në Prishtinë.
“Sot rreth orës 16:00, në lagjen Dardania, në Prishtinë, ka ndodhur një aksident rrugor në mes dy automjeteve në lëvizje.
Bazuar në të dhënat fillestare, si pasojë e aksidentit lëndime trupore kanë pësuar 3 persona”, ka thënë për Reporteri.net, Flora Ahmeti zëdhënëse e Policisë së Kosovës për rajonin e Prishtinës.
Ajo më tej thotë se personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut.