Apple gjobitet për shitjen e iPhone pa mbushës

Duke prezantuar serinë iPhone 12 vitin e kaluar, Apple befasoi shumë përdorues me vendimin për të hequr mbushësit dhe kufjet nga paketimi.

Ndërsa ata e justifikuan atë me arsye mjedisore, nuk është aspak e çuditshme që shumica e njerëzve nuk e shohin këtë si një veprim të justifikuar, dhe brazilianët kanë shkuar një hap më tej.

Agjencia e mbrojtjes së konsumatorit në Sao Paulo (Procon-SP) gjobiti kohët e fundit Apple me 2 milionë dollarë për mosdorëzimin e mbushësve në kuti. Siç deklaroi organizata, Apple mori pjesë në reklama false dhe shitje të pajisjeve pa mbushës në kushte të padrejta.

Në fund të vitit të kaluar, “molla” njoftoi se pajisjet e tyre do të vinin pa mbushës, megjithatë, kur u pyetën nga Procon-SP nëse kjo do të thoshte që telefonat do të ishin më të lirë, ata nuk morën përgjigje, raporton Portali 9to5Mac.

Ata gjithashtu akuzuan Apple se nuk u ofron mbështetje të mjaftueshme cilësore përdoruesve, “të cilët kishin probleme pas azhurnimit të softuerit” dhe ata pretendojnë se kompania amerikane duhet të respektojë rregulloret dhe ligjet, siç bëjnë të gjitha kompanitë e tjera.