Arbitri humb jetën në fushën e lojës
Në futboll ka patur shumë raste kur një futbollist ka humbur jetën në fushën e lojës.
Një tragjedi në fushën e gjelbërt ndodhi në Bolivi.
Arbitri Victor Hugo Hurtado humbi ndjenjat në minutën e 47-të në ndeshjen e kampionatit bolivian mes Alaways Ready dhe Oriente Petrolero.
31-vjeçari u dërgua me urgjencë në spital, ndërkohë mediat vendase raportojnë se sapo mbërriti në spital, ai pësoi një tjetër atak në zemër, duke humbur kështu jetën.
Dyshohet se një nga shkaqet e vdekjes së arbitrit Hurtado ishte sasia e pakët e ajrit.
Ndeshja u luajt në stadiumin “Muncipal” në El Alto, i cili ndodhet rreth 3 mijë e 900 metra mbi nivelin e detit.
