Bëhet viral momenti kur Enrique e takon Dembelen pasi ky i fundit fitoi Topin e Artë
Pasi Paris Saint-Germain fitoi çmimet kryesore në galanë e “Topit të Artë” – për klubin më të mirë, trajnerin më të mirë dhe lojtarin më të mirë të vitit, skuadra u rikthye në stërvitje që të nesërmen.
Në qendër të vëmendjes ishte Ousmane Dembele, i cili u kurorëzua me Topin e Artë 2025, një çmim që shënoi kulmin e një sezoni të jashtëzakonshëm ku francezi ndihmoi PSG-në të fitojë Ligën e Kampionëve, Kampionatin Francez dhe Kupën e Francës.
Kur Dembele u shfaq në fushë me trofeun në duar, Luis Enrique, trajneri i tij, nuk mundi të përmbante emocionet.
Ousmane Dembele me Topin e Artë telegrafi.com
“Mallkuar qoftë, Ousmane Dembele! Topi i Artë!”, bërtiti ai, duke vrapuar drejt sulmuesit për ta përqafuar dhe madje për të puthur trofeun, përcjell telegrafi.
Ky moment i gëzuar u bë menjëherë viral në rrjetet sociale dhe u përhap shpejt mes tifozëve të PSG-së dhe admiruesve të futbollit në mbarë botën.
Ky triumf është edhe më i veçantë duke pasur parasysh historinë e Dembele. Sulmuesi francez ka kaluar periudha të vështira me dëmtime gjatë karrierës së tij në Barcelonë, ku mungoi për 799 ditë për shkak të problemeve fizike.
Tani, përveç festimeve, PSG përgatitet për sfidat e ardhshme të sezonit 2025/26, me Dembele të motivuar dhe trajnerin Enrique të vendosur të udhëheqë ekipin drejt sukseseve të tjera. /Periskopi/
