Bernardo Silva flet për penalltinë e humbur ndaj Real Madridit
Bernardo Silva ishte njëri nga dy futbollistët që dështuan të shënonin nga penalltia për Manchester Cityn në ndeshjen ndaj Real Madridit. Tjetri ishte Kovacic.
Por, gjuajtja e Bernardo Silvas ishte më e përfolur.
Ai gjuajti në mes, aty ku qëndroi edhe portieri Lunin dhe ishte e lehtë ta priste.
E për këtë penallti ka folur më në fund ylli portugez.
“Kisha dy opsione, një nga anët ose në mes, isha duke pritur. Doja të isha i dyti ose i treti për të parë portierin. Ai lëvizi herët, prandaj mendova se gjuajtja në mes ishte ide e mirë. Në momentet e presionit të portierëve 99% lëvizin”, shpjegoi Silva.
