Bruno Fernandes flet nga zemra në komunikatën emocionale pas huqjes së penalltisë kundër Villas
Manchester United u shokua duke u mposhtur 1-0 nga Aston Villa në ‘Old Trafford’, të shtunën pasdite.
Skuadra e Ole Gunnar Solskjaerit e gjeti veten në disavantazh në minutën e 88-të, përmes Kortney Hause.
‘Djajt e Kuq’ patën mundësi të artë të barazonin kur fituan një penallti në kohën shtesë, transmeton Periskopi.
Bruno Fernandes, i cili është në fakt shumë i besueshëm nga kjo pozitë, mori përgjegjësinë.
Por ai ia huqi keq cakut, me topin që e dërgoi në turmën e ‘Old Traffordit’.
Fernandes i kushtoi me një pikë Unitedit dhe ai tash ka publikuar një komunikatë emocionuese në Instagram.
“Askush nuk është më i frustruar dhe i zhgënjyer se unë për humbjen e penalltisë dhe humbjen pasuese,” shkroi ai.
“Unë gjithmonë i kam marrë përgjegjësitë e mia dhe i kam përqafuar gjithmonë nën presion në momente si ky.
“Sot, unë dështova. Por unë bëra një hap përpara dhe u përballa me sfidën me të njëjtën ambicie dhe përgjegjësi si kur, në shumë raste të tjera, topi përfundoi në rrjetë.
“Kritikat dhe opinionet e kundërta pjesë e madhe e futbollit. Unë kam mësuar të jetoj me të, madje edhe duke i përdorur për të më shtyrë përpara, dhe e konsideroj të gjithë një pjesë shumë të rëndësishme të angazhimit tim që të mos ndaloj kurrë të përpiqem të përmirësohem dhe të bëhem lojtari më i mirë që mund të jem, për veten dhe skuadrën.
“Sot mora përsëri përgjegjësinë që më është dhënë që kur u bashkova me Unitedin dhe do ta marr përsëri pa asnjë frikë sa herë që më thërrasin.
“Gjëja më e rëndësishme për mua është të fitojmë së bashku dhe gjithmonë do të bëj gjithçka që mundem për të ndihmuar shokët e mi të skuadrës dhe klubin që të jenë më të mirët që mund të jemi.
“Unë jam një lojtar që lë gjithçka në fushë, me dëshirë dhe përkushtim të madh. Dhe kjo është ajo që do të vazhdoj të bëj.
“Faleminderit për të gjithë mbështetjen tuaj pas bilbilit të fundit! Të dëgjoja duke kënduar emrin tim në stadium ishte shumë emocionuese…
“Do të kthehem më i fortë për veten, sepse këto janë standardet që unë mbaj, por mbi të gjitha për shokët e mi të skuadrës dhe tifozët tanë që na kanë mbështetur gjithmonë.” /Periskopi.com/
