Danezët zbarkojnë për herë të parë në ‘Fadil Vokrri’ (VIDEO)
Danimarka do të luajë kundër Kosovës nesër mbrëma me fillim nga ora 19:00 në stadiumin ‘Fadil Vokrri’.
Yjet e Danimarkës zbarkuan në stadiumin Fadil Vokrri për të zhvilluar seancën e parë dhe të fundit stërvitore para ndeshjes së nesërme me Kosovën, raporton Periskopi.
Futbollistët si Christian Eriksen, Andreas Christensen, Lasse Schone, Kasper Schmeichel e Kasper Dolberg ishin të gjithë prezent në stërvitjen e danezëve.
Në temperatura të ftohta, ekipi i Age Hareide zhvilloi seancën stërvitore ndërsa prania e mediave u lejua vetëm në 15 minutat e para.
Të pranishëm ishin edhe shumë gazetarë danez. /Periskopi/