Dejona Mihali starton kampanjën kundër Adriatik Kelmendit, pason nga Mef Bajqinovci
Pas letrës së kryetarit të VV’së, Albin Kurti për Abdixhikun e LDK’së, pati reagime të shumta. Njër ndër ta ishte edhe gazetari Adriatik Kelmendi, transmeton Periskopi.
Përmes një reagimi ironizues në Facebook, Kelmendi shkroi: Albin Kurti sërish letër Lumir Abdixhikut: Ndihmomë, si vlla!
Ky reagim, “i kushtoi” gazetarit Kelmendi, pasi nga VV nisën kampanjën ndaj tij.
Ishte “masha e VV’së”, Dejona Mihali, e cila shkroi se “po vihet re një fenomen i ri në publik këto ditë: sa herë i referohet dikush LDK-së me ndonjë kërkesë politike, i pari përgjigjet Adriatik Kelmendi i Devollëve.”
Mihali shprehet më tej se “miqtë e Adriatikut nuk po lënë vend pa thënë se Devollt duan ta kandidojnë për kryetar komune z. Kelmendi”. Ajo nënvizon se ndonëse dikush mund të mendojë se e kanë fjalën për Pejën, “jo – Devollt duan ta kandidojnë për Prishtinën”, dhe shton se “ende nuk e kanë gjetur saktë partinë” ose “nuk e kanë të qartë nëse duan përfundimisht Adriatikun apo Uran Ismajlin”.
Pas reagimit të Dejona Mihalit, s’kishte si të mungonte Mefi i VV’së.
Ai flet për ‘siklet’, por nuk specifikon për kë.
“Prej analista u bënë psikanalista. Jo po çka ka mendu ai kur e ka thënë këtë. Gjithologa. Nuk ka nevojë ju për kaq siklet ose tregonani pse keni siklet?!”, shkroi Mefi i VV’së në Facebook.
Kujtojmë se sot, Kurti përmes një letre drejtuar Abdixhikut, i kërkoi këtij të findit të bëj koalicion me të.
Ngase nuk i ka numrat për formimin e Qeverisë, Kurti i lutet kreut të LDK’së që të shkojë me ta duke thënë se “preferon një koalicion me LDK’në dhe se nuk është e interesuar të bëjë me PDK’në.
