Deliu për shkarkimin e Krasniqit: Të përfshirë ka më shumë zyrtarë, Prokuroria të veprojë
Për shkarkimin e kryeshefit të KEK-ut, Nagip Kraniqit ka shkruar edhe deputetja e PDK-së, Blerta Deliu – Kodra.
Ajo përmes një postimi në Facebook ka thënë se për kontratat e njëburimore e Qeverisë aktuale kalon shifrën mbi 200 milionëshe.
Sipas saj, janë të përfshirë më shumë zyrtarë, e cila kërkoi përballje me drejtësinë.
“Krasniqi, anëtar i Vetëvendosjes, ishte arrestuar nën dyshimin për tri vepra penale për keqpërdorim të detyrës zyrtare – që përfshinë dy kontrata njëburimore në vlerë 3.5 milionë euro.
Por, siç e dijmë të gjithë, kontratat njëburimore gjatë kësaj qeverie tejkalojnë shifrën e 200 milionë eurove.
Të përfshirë në to ka shumë më shumë zyrtarë. Shkarkim dhe përballje me drejtësinë për të gjithë, pa asnjë amnestim, qofshin ata edhe ministra. Prokuroria dhe organet e drejtësisë të veprojnë menjëherë!:, ka shkruar ajo në Facebook./Periskopi
