Drita synon pikët e plota, sonte luan ndaj Omonia në UEFA Conference League

Skuadra kosovare, Drita sonte luan ndeshjen e dytë në UEFA Conference League dhe si kundërshtar e ka ekipin nga Qipro, Omonia Nicosia.

Nga ora 18:45 në stadiumin “Fadil Vokrri”, kampioni aktual i Superligës së Kosovës e pret një kundërshtar të fortë.

Omonia është 21 herë kampion i elitës së futbollit në Qipro, 16 herë fitues i Kupës së Qipros dhe 17 herë i Super Kupës.

Vlera e tyre është 16.6 milionë euro në sajtin e njohur “Transfermarkt”.

Futbollisti më i njohur i kësaj skuadre është Stevan Jovetic, por që është në dyshim për këtë përballje shkaku i një lëndimi./Periskopi/