Edhe pas një ore, liderët politikë ende në takim të mbyllur për ta zgjidhur bllokadën institucionale
Tash e mbi një orë ka nisur takimi në mes liderëve të partive politike në takimin e thirrur nga kreu i VV-së, Albin Kurti.
Temë e këtij takimi është zhbllokim i situatës politike, përkatësisht konstituimi i kuvendit. Takimi është thirrur pas aktgjykimit të Gjykatës Kushtetuese që tha se kuvendi duhet konstituuar brenda 30 ditëve.
Në takim po marrin pjesë kryetari i PDK-së, Memli Kransiqi bashkë me deputeten Vlora Çitaku, ndërsa nga LDK-ja, të pranishëm janë i pari i partisë, Lumir Abdixhiku dhe shefja e grupit parlamentar, Hykmete Bajrami.
Në pamjet nga takimi, AAK-ja po përfaqësohet nga deputetja Time Kadrijaj.
Po ashtu, pjesë e takimit janë edhe kryetari i NISMA-s, Fatmir Limaj, kryetarja e Alternativës, Mimoza Kusari – Llila, ai i GUXO, Faton Peci dhe po ashtu edhe përfaqësuesit e partive të komuniteteve jo shumicë./Periskopi/
Nis takimi i Kurtit me partitë politike
Kurti flet para takimit me liderët e partive: Të shohim kush po vjen
