Erza Muminoviq dhe Flaka Loxha në finale të Kupës Evropiane për Juniore “Athina 2019”
Erza Muminoviq dhe Flaka Loxha i kanë siguruar dy medalje Kosovës në Kupën Evropiane të xhudos, për Juniore, që po mbahet në Athinë të Greqisë.
Erza është në finale të kategorisë -48 kg, ndërsa Flaka në finale të kategorisë -57 kg.
Laura Fazliu (-63 kg) është në luftë për medaljen e bronztë, pasi pësoi humbje në gjysmëfinale.
Erza e Flaka shënuan nga tri fitore, ndërsa Laura dy.