“Fat të mbarë, djema” – urimi i Hoffenheimit për tre yjet e Kosovës para ndeshjes ndaj Zvicrës

Hoffenheimi ka vendosur t’i shprehë mbështetjen e tij të veçantë talentëve dardanë që bëjnë pjesë në skuadrën e tij, duke u uruar fat për ndeshjen e sotme ndaj Zvicrës.

Klubi gjerman publikoi një mesazh në rrjetin social Facebook, ku përmend lojtarët Fisnik Asllani, Albian Hajdari dhe Leon Avdullahu, duke i motivuar për paraqitjen e tyre me kombëtaren e Kosovës.

Megjithatë, dy prej tyre, Hajdari dhe Avdullahu, nuk do të jenë të pranishëm në fushë për këtë takim.

Selektori i Kosovës, Franco Foda, ka vendosur t’i mos i përfshijë në listën e lojtarëve për shkak të rrezikut të një suspendimi, duke i lënë jashtë për t’i ruajtur nga ndëshkimi potencial.

Pavarësisht kësaj, Hoffenheimi nuk i ka harruar dhe ka dashur të shprehë mbështetje morale për ta.

“Fat të mbarë, djema,” shkruante në postimin e klubit, duke treguar përkujdesjen e veçantë për lojtarët e tij./Periskopi/