Flet djali i shoferit që vdiq në aksidentin në Kroaci: 3-4 ditë rrugë, vetëm një natë pushim

Periskopi.com Lajme

Dhjetë persona kanë humbur jetën dhe mbi 40 të tjerë janë lënduar të dielën, pas daljes nga rruga të një autobusi me targa të Kosovës, në autostradën afër Sllovinski Brod në Kroaci.

Adhurim Sylmetaj (i biri i Naser Sylmetajt), nga fshati Gërçinë në afërsi të Gjakovës, ka thënë për Radio Evropa e Lirë se babai i tij ka rreth tetë muaj që ka filluar punën në këtë kompani.

“Janë nisur para 3-4 ditëve, edhe në momentin që kanë mbërri, menjëherë, veç atë mbrëmje kanë pushuar, dhe menjëherë të nesërmen në mëngjes rreth orës 09:00 janë nisur për në Kosovë”.

“Herën e fundit kur kam folur me të ka qenë në momentin kur e kaluar kufirin Gjermani-Austri”.

Ai po ashtu ka reaguar edhe përmes një shkrimi në Facebook.

Shoferi tashmë i ndjerë kishte vozitur autobusin për disa orë.

Aksidenti besohet se ka ndodhur pasi ai është ndërruar nga shoferi tjetër, i cili është intervistuar nga policia kroate.

Shpërndaje në: