Futbollistë të klubit shqiptar në Gjermani rrahin keq gjyqtarin serb pasi përjashtoi dy lojtarë me të kuq

Periskopi.com Sporti

Futbollistë të klubit shqiptarë, KF Isa Boletini Sindelfingen, që është pjesë e rangut të ulët të futbollit gjerman, kanë sulmuar gjyqtarin serb, Darko Milakovic.

Incidenti ndodhi në humbjen e skuadrës shqiptare me rezultat 4-2 nga FSV Deufringen, raporton Periskopi.

Rrahja ndodhi derisa rezultati ishte 3-2, me Milakovicin që nxiti frustrimin e futbollistëve pasi përjashtoi dy lojtarë të Isa Boletinit.

Pas përfundimit të takimit, tre lojtarë raportohet se sulmuan serbin duke i shkaktuar lëndime në këmbë.

Sipas medieve serbe, gjyqtarin pastaj e sulmuan edhe futbollistë të tjerë.

Në mbrojtje të tij dolën futbollistët e klubit Deufrungenit, të cilët e mbajtën të sigurt derisa erdhi policia. /Periskopi.com/

Shpërndaje në: