Gjermania përballet me valën e kërcënimeve të spiunazhit nga Rusia dhe Kina
Gjashtë spiunë të dyshuar janë arrestuar në Gjermani vetëm këtë muaj, në atë që është shndërruar në një lumë akuzash për spiunazh rus dhe kinez.
Për partinë e ekstremit të djathtë Alternativa për Gjermaninë (AfD) është rezultuar veçanërisht e turpshme, sepse dy kandidatët e tyre kryesorë për zgjedhjet evropiane të qershorit janë kapur në pikëpyetje, raporton CNN.
Një ndihmës i eurodeputetit Maximilian Krah, i cili kryeson listën e partisë, është arrestuar me dyshimin se ka spiunuar për Kinën. Jian G akuzohet si “punonjës i një shërbimi sekret kinez”.
Prokurorët kanë nisur gjithashtu hetimet paraprake ndaj vetë politikanit mbi pagesat e supozuara nga burime pro-ruse dhe kineze.
