Haradinaj – BE’së: Mirënjohje, por koha t’ia dorëzoni dialogun Presidentit Biden
Ish-kryeministri i Kosovës, Ramush Haradinaj, ka kërkuar që Bashkimi Evropian ta dorëzojë procesin e dialogut në mes të Kosovës dhe Serbisë në duart e Shtëpisë së Bardhë.
Haradinaj ka thënë se është momenti i duhur që të ndodh një gjë e tillë, dhe që presidenti Joe Biden të merret me procesin që duhet të çojë në marrëveshje finale dhe njohje reciproke.
“Zbatimi i rendit dhe ligjit në tërë vendin, duhet të ndodh në përputhje me Kushtetutën dhe ligjet e Republikës së Kosovës.
Dialogu i deritashëm nuk guxon të zbehet e të rikthehemi prapë të flasim për të njëjtat tema.
Amerika kësaj here i dha shtytje procesit të udhëhequr nga BE dhe ndihmoi dhe e riktheu normalitetin në raportet Kosovë-Serbi.
Duke i shprehur mirënjohje Bashkimit Evropian për lehtësimin e dialogut, është momenti i duhur që BE ta dorëzojë portfolion te Presidenti Biden, për marrëveshjen finale për njohje reciproke Kosovë – Serbi”, ka shkruar Haradinaj.
