Haxhi Avdyli nën sulme kibernetike: S’duhet ta humbisni postimin epik të Ehat Miftarajt
Deputeti Haxhi Avdyli u bë lajm mbrëmë – larg të gjitha zhvillimeve reale politike – me një video që u pa në profilin e tij në Facebook, me mbishkrimin se shumica e këngëtarëve të njohur serbë, kanë prejardhje shqiptare ose boshnjake.
(Nga video që figuronte në profilin e deputetit Avdyli)
Mirëpo, më të vërejtur këtë, zoti Avdyli bëri një sqarim, ku tha se ‘i është hakuar llogaria në Facebook’.
Haxhiu do të shkruante kështu:
Të nderuar miq, në 2 ditët e kaluara kam marr lajmërime për tentimin për hyrje ilegale në faqen time të facebook-ut.
Si duket perkohësisht edhe ia kan dalë për ta hakuar faqen time dhe për të bërë edhe një postim.
Postimi i fundit për këngëtarë serb me emra shqiptarë nuk është bërë nga unë.
Pas këtij postimi, jam lajmeruar, e menjëherë kam marrë masa. Me ndihmën e miqëve të mi, ekspertë të sigurisë kibernetike kemi arritur që pas disa orëve ta rikthejmë faqen në pronësi e menaxhimin tim.
Ju faleminderit për mirëkuptim.
Lidhur me këtë, ne pamë një reagim epik nga Ehat Miftaraj, i cili e quajti sqarimin e Avdylit ‘margaritar pas margaritari’.
Ja postimi i plotë i Miftarajt, që na la shumë përshtypje:
Lajm i mirë rikthimi i Facebook-ut nën kontroll të deputetit Avdyli.
I trishtë fakti që për dy ditë, i është hakuar llogaria në Facebook, sikurse lajm i jashtëzakonshëm që personat e paautorizuar kanë publikuar/keqperdorur llogarinë e tij me vetem nje lajm te postuar, dhe lajm edhe me i jashtezakonshem qe me eksperte te kibernetikes dy ore pas postimit te lajmit e ka kthyer llogarine nen kontroll/menaxhim.
Margaritarë pas margaritari!
Natën e mirë miq. Mjaft për sonte!
P.S. 1: Sidoqoftë, pa paragjykuar të vërtetën, Periskopi i uron rehati me llogaritë në rrjete sociale deputetit Avdyli.
P.S.2: Ky lajm është publikuar edhe në rubrikën tonë të argëtimit – Fun.