Hovenier i shkon në zyrë Osmanit, flasin për situatën e sigurisë në vend
Presidentja, Vjosa Osmani, është takuar me ambasadorin e Shteteve të Bashkuara të Amerikës, Jeffrey Hovenier.
Në takim është diskutuar për situatën e sigurisë në vend si dhe për politikën e jashtme dhe të mbrojtjes.
Përveç kësaj është biseduar edhe për vazhdimin e koordinimit mes institucioneve të Kosovës dhe SHBA-ve.
“Presidentja Osmani priti në takim ambasadorin amerikan, Jeffrey Hovenier. Presidentja e Republikës së Kosovës, Vjosa Osmani, ka pritur sot në takim të rregullt ambasadorin e SHBA-ve, Jeffrey Hovenier, me të cilin ka biseduar për situatën e sigurisë në vend, si dhe në fushën e politikës së jashtme dhe të mbrojtjes. Po ashtu, gjatë takimit u diskutua për vazhdimin e koordinimit mes institucioneve të Kosovës dhe Shteteve të Bashkuara të Amerikës në adresimin e çështjeve prioritare”, thuhet në njoftim.
