Hoxhaj për Ajshe Veselin: Është e dhimbshme vdekja e saj pa pasur të birin afër
Deputeti i PDK-së, Enver Hoxhaj ka ngushëlluar familjen Veseli pas vdekjes së Ajshe Veselit.
Ai ka thënë se është e dhimbshme vdekja e saj pa e pasur afër të birin, Kadri Veseli.
“Me dhimbje e pikëllim mora lajmin për vdekjen e Ajshe Veselit, nënës së Kadri Veselit. Është e dhimbshme vdekja e saj pa pasur të birin afër, i cili po vazhdon të mbahet padrejtësisht në Hagë. Ngushëllimet më të thella familjes Veseli, të afërmve dhe miqve!”, ka shkruar ai në një postim në “Facebook”.
Sot ka vdekur në moshën 93-vjeçare, nëna e ish-kryetarit të Partisë Demokratike të Kosovës, Kadri Veseli, Ajshe Veseli.
Ajo do të varroset sot në fshatin Broboniq të Mitrovicës.
