I dashuri ua mbylli motrën në banesë, vëllezërit nga Gjilani e rrahin

Periskopi.com Lajme

Një grua nga Gjilani ka raportuar në polici se burri me të cilin po bashkëjetonte e ka mbyllur në banesë.

Rasti ka ndodhur mbrëmjen e së mërkurës, ka njoftuar policia në raportin 24 orësh.

Viktima ka deklaruar se në pamundësi për të dalë nga banesa, i ka njoftuar dy vëllezërit e saj, të cilët kur kanë shkuar te banesa, janë përleshur fizikisht me të dyshuarin, të cilit i kanë shkaktuar lëndime trupore.

Policia ka njoftuar se të dyshuarit janë arrestuar dhe me vendim të prokurorit janë dërguar në mbajtje.

“Gjilan (NN) 05.01.2022, 18:30. Ankuesja femër kosovare ka raportuar se i dyshuari mashkull kosovar me të cilin ka bashkëjetuar e kishte mbyllur në banesë, dhe e njëjta në pamundësi për të dalur, ka njoftuar dy vëllezërit e saj-te dyshuarit meshkuj kosovar të cilët posa janë takuar, janë përleshur fizikisht me të dyshuarin e parë me ç’rast i kanë shkaktuar lëndime trupore për të cilat ka pranuar tretman mjekësor. Te dyshuarit janë arrestuar dhe pas intervistimit me vendim të prokurorit janë dërguar në mbajtje”, bëhet e ditur në raportin e policisë