I zhdukur prej 30 vjetësh, kroati gjendet gjallë në Francë me një identitet të ri

Shtetasi kroat Boris C., i cili u zhduk në Gjermani në vitin 1994 dhe u shpall i vdekur tre vite më vonë, është gjetur i gjallë në Francë, ku jeton me një identitet të ri dhe një familje të re.

Zhdukja e tij ishte konsideruar një rast i klasifikueshëm si vrasje pasi makina e tij u gjet me gjurmë gjaku në Düsseldorf. Megjithatë, autoritetet kanë zbuluar se ai planifikoi vetë zhdukjen për shkak të borxheve të mëdha dhe frikës për sigurinë e tij dhe të familjes.

Si pjesë e planit, Boris u lëndua qëllimisht për të krijuar një skenë të rreme krimi, duke çuar hetuesit në një pistë të gabuar për më shumë se tre dekada.

Rihapja e rastit u mundësua falë emisionit “Aktenzeichen XY”, i cili ndihmon në zgjidhjen e mistereve të vjetra. Kthesa e papritur tronditi familjen dhe autoritetet, duke sfiduar pritshmëritë për fatin e tij./Periskopi/