Imer Mushkolaj bën avokatin e shtëpive botuese private
Analisti Imer Mushkolaj, ka thënë se Ministria e Arsimit, përmes projektligjit për tekste shkollore, po tenton që të shtetëzojë recensentët dhe t’i dëmtojë shtëpitë botuese duke krijuar monopolin shtetëror. Mirëpo sipas Mushkolajt, kjo metodë nuk do të ndikojë në rritjen e cilësisë së arsimit.
Analisti Imer Mushkolaj, duke bërë avokatin ka thënë se Ministria e Arsimit po tenton që ta monopolizojë të drejtën e botimit duke i dëmtuar shtëpitë botuese dhe duke shtetëzuar recensentët.
Sipas tij, nga ana e Ministrisë së Arsimit me anë të sektorit që pretendohet të krijohet, do të ketë vetëm dëmtim dhe shtetëzim të drejtës për të botuar.
Ai ka bërë pyetjen, çfarë është ky trup të cilin ministrja e arsimit, Arbërie Nagavci po tenton që ta themelojë?
Sipas tij, shtëpitë botuese janë duke u eliminuar si pronare të drejtave autoriale dhe po u merren të gjitha segmentet e bërjes së teksteve shkollore.
“Nuk po flasim vetëm për proces teknik, mundet të ketë përqindje, por mungesa e cilësisë në arsim, tekstet shkollore nuk janë arsyeja kryesore, ka shumë faktorë të tjerë”, ka thënë Mushkolaj.
Sipas tij, është barrë e madhe për autorët individualë të aplikojnë, pasi duhet të përgatitin të gjithë librin.
Megjithatë këtë vit Ministria e Arsimit ka nxjerrë një projektligj të ri, i cili thotë se për tekstet shkollore mund të aplikojnë çdo kush që është i interesuar.