Jerusalem: Shtatë të vdekur dhe 10 të plagosur pas një sulmi me armë
![Jerusalem: Shtatë të vdekur dhe 10 të plagosur pas një sulmi me armë](https://www.periskopi.com/wp-content/uploads/2023/01/sulmi-469x300.jpg)
Shtatë persona kanë mbetur të vdekur dhe 10 të tjerë të plagosur, në një sulm me armë zjarri në sinagogë, në periferi të Jerusalemit, tha ministria e Jashtme e Izraelit.
Shërbimi i ambulancës izraelite bëri të ditur numrin e të vdekurve në pesë dhe tha se pesë persona të tjerë u plagosën dhe u transportuan në spitale, duke përfshirë një grua 70-vjeçare, raporton Reuters.
Policia izraelite e përshkroi atë si një “sulm terrorist” dhe tha se ndodhi në një sinagogë në Neve Ya’akov, e konsideruar nga izraelitët si një lagje brenda Jerusalemit, ndërsa palestinezët dhe shumica e komunitetit ndërkombëtar e konsiderojnë atë si tokë të aneksuar ilegalisht pas luftës së Lindjes së Mesme në vitin 1967.