Joe Biden nënkupton se Amerika do të luftojë ndaj Kinës për Taivanin,
Presidenti amerikan Joe Biden ka thënë që ShBA-ja do t’i dilten ë ndihmë mbrojtjes së Taivanit dhe se kishte përkushtim që ta mbronte ishullin që Kina e konsideronte si të sajin, duke e detyruar Shtëpinë e Bardhë që të qartësonte komentet për herë të dytë në tre muaj që politika amerikane për këtë çështje nuk kishte ndryshuar.
“Po, ne e kemi një përkushtim që ta bëjmë atë gjë [ta mbrojmë Taivanin],” tha Biden në CNN të enjten mbrëma kur u pyet nëse ShBA-ja do të mbronte Taivanin nga Kina.
Presidenti e kishte bërë një zotim të ngjashëm edhe në muajin gusht gjatë një interviste për ABC, duke insistuar që ShBA-ja gjithjë do t’i mbronte aleatët kyç, përfshirë Taivanin, pavarësisht tërheqjes nga Afganistani.
Biden tha që ShBA-ja kishte “përkushtim të shenjtë” që t’i mbronte aleatët e Natos në Kanada dhe Evropë dhe se kjo qëndronte edhe me “Japoninë, Korenë e Jugut dhe Taivanin”, raporton The Guardian, përkthen në shqip Persikopi.
Më pas, Shtëpia e Bardhë iu tha gazetarëve të frikësuar që politika amerikane ndaj Taivanit nuk kishte ndryshuar.
Presidenti i ShBA-ve u shpreh se njerëzit nuk duhej të brengoseshin për fuqinë ushtarake të Washingtonit sepse “Kina, Rusia dhe pjesa tjetër e botës e di që jemi ushtria më e fuqishme në historinë e botës.”
Tensionet ushtarake mes Taivanit dhe Kinës ishin më të këqija se kurrë. /Periskopi